ཤོག་བྱ་དེ་རི་མོ་ཡིན་ནམ།
ཤོག་བྱ་དེ་རི་མོ་ཡིན་ནམ།
༡༽
རི་མོ་དང་རི་མོ་འདྲ་བའི་གནས་ལུགས་འོག
ང་ཡང་རི་མོ་ཡིན་ནམ
ངས་ད་བར་བརྒྱུད་མྱོང་པའི་གནམ་ས་ཡོད་ཚད
ཇི་ཙམ་སེལ་ཡང་རི་མོ་ཡིན་པས
ངས་ནམ་ཡང་ང་རང་རི་མོ་ཡིན་པར་ཤེས་སོང་
༢༽
སྐྱ་རེངས་དང་པོའི་སྐབས་སུ
ངས་རླུང་བུ་ལ་ཆ་ཞིག་བསྐུར་བས
ཤོག་བྱ་མང་པོས་རྒོལ་བ་དང་འདྲ་བའི་རྒོལ་བ་བརྩམས
རྒོལ་ཐེངས་རེ་རེ མངོན་ལྐོག་གི་ཁྲོ་ཆགས་རེ་རེ
དེ་ནི་རི་མོ་ཡིས་དཔར་པའི་རི་མོ་རེད
དེ་ནི་རི་མོ་ལ་རི་མོ་མ་གཏོགས་མེད་པའི་དཔང་རྟགས་རེད
༣༽
རླུང་བུའི་རྒོད་སྟངས་རེ་རེ་ལ
ཤོག་བྱ་ཡི་འཕུར་སྟངས་རེ་རེ
ཤོག་བྱ་ནི་ཁ་ལོ་བ་མེད་པའི་རླངས་འཁོར་བཞིན
རི་གཟར་དང་རྦབ་རིལ་ཡོད་ཚད་ལ་གདོང་གཏད་ནས་སོང་
ཤོག་བྱ་ཤོག་བྱར་མཐོང་པའི་མིག་མང་པོས
ཤོག་བྱ་ཡི་དུས་གསུམ་མིག་ཆུས་སྐྱོར་ཡོད
༤༽
ཤོག་བྱ་དེ་རི་མོ་ཡིན་ནམ
ད་བར་ཁོ་ཡི་རྐང་རྗེས་ཡོད་ཚད
རྐང་རྗེས་ཀྱི་རི་མོ་ཡིན་པ་ནས་བཟུང་
ཤོག་བྱ་ཡང་རི་མོ་ཡིན་སོང་བས
མི་མང་པོས་ཤོག་བྱ་གླེང་དུས་
རི་མོ་གང་ཞིག་གི་གཟུགས་བརྙན་གསལ་ཡོང