བོར་ཟིན་པའི་གླུ་སྐད་འདི།
༡༽
གོ་ལ་འཁོར་སྟངས་དང་ཉི་འོད་འཕྲོས་སྟངས་དེས
རྙིང་སོང་རྡོ་ངོས་ཐིམ་པའི་ངོ་གདོང་ངོས
ཁ་བའི་འདབ་མ་བཞིན་འཕྱུར་བའི་གླུ་སྐད་དག
ག་ལེར་ག་ལེར རྫ་སུལ་ན་འབུད
ག་ལེར་ ག་ལེར རླུང་ལ་བསྐུར
༢༽
སྙིང་ཁ་འཛེར་མ་འཕོག་པའི་སྐར་མ་འགས
མིག་ཟླ་བ་ལ་ཕྱོགས་བཞིན་
ཡ་ང་བའི་ཚུལ་དེར་སེམས་ལ་བཅངས་ནས
མིག་ཆུའི་ཁྲོད་གླུ་སྐད་དག་ཇི་ལྟར་བསླངས་ཀྱང་
འདྲ་གཟུགས་མ་གཏོགས་ཨ་ལན་གཏན་ནས་མ་ལོན
༣
༽
བདག་མེད་ཀྱི་གླུ་སྐད་དེ
བདག་མེད་ཀྱི་གཡག་རྒན་བཞིན
བས་མཐའ་ན་ སྡོམ་ཐག་དྲུད་བཞིན་འགྲོ་སོང
༤༽
གླུ་སྐད་བོར་ཟིན་་པའི་ངོ་གདོང་རྣམས
ཅི་ཞིག་གི་དོན་དུ ཅི་ཞིག་གི་སླད་དུ
གནམ་འོག་ན་འདུར་རྒྱག་བྱས་ཀྱང་
ཁོང་ཚོས་བརྒྱུས་ཟིན་པའི་ལམ་ཁ་ཡོད་ཚད
ང་དང་ཕུ་ནུ་ཚོའི་མིག་ཆུ་རེད