༧གོང་ས་མཆོག་ལ་གཞིས་བྱེས་འབའ་པའི་བརྟན་བཞུགས།
ཟླ་འདིའི་ཚེས་༧
ཉིན་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་གཞིས་བྱེས་འབའ་ཐང་བརྟན་བཞུགས་ཚོགས་ཆུང་གིས་༧གོང་ས་མཆོག་ལ་བརྟན་བཞུགས་ཕུལ་སྐབས།
བོད་བསྟན་པ་ཆབ་སྲིད་ཆེད་འབའ་ཐང་གི་མི་ཐོག་རྒན་པ་ཚོས་བྱས་རྗེས་ཆེན་པོ་བཞག་ཡོད་པ་རེད་ལ།
གཞོན་པ་ཚོས་ཀྱང་ཞབས་འདེགས་ཞུ་ཐུབ་དགོས་པ་རེད་ཅེས་བཀའ་སློབ་ལམ་སྟོན་གནང་སོང་།
ཉིན་དེའི་སྔ་དྲོ་ཆུ་ཚོད་༩
པའི་ཐོག་སྤྱན་བརྒྱ་སྤོས་སྣེས་མདུན་བསུས་ཏེ་༧གོང་ས་མཆོག་བཞུགས་ཁྲིར་ཞབས་སོར་འཁོད་པ་དང་།
སྒ་རྗེ་ཁམས་སྤྲུལ་རིན་པོ་ཆེ་འཇམ་དབྱངས་དོན་འགྲུབ་མཆོག་དང།
རྣམ་གྲྭ་མཁན་ཟུར་བློ་བཟང་བསྟན་འཛིན་མཆོག
བཙན་བྱོལ་བོད་མིའི་མང་གཙོའི་ཀ་བ་གསུམ་གྱི་མཛད་གཙོ་རྣམ་པས་དབུས། སེར་སྐྱ་མི་མང་ཧ་ཅང་མང་པོ་མཉམ་ཞུགས་བྱས་ཡོད་པ་རེད།
༧གོང་ས་མཆོག་སྐུ་ཚེ་བརྟན་ཆེད་དུ་སྒྲོལ་དཀར་ཡིད་བཞིན་འཁོར་ལོའི་སྒོ་ནས་བརྟན་བཞུགས་བསྟར་འབུལ་ཞུས་པ་དང།
རྣམ་གྲྭ་མཁན་ཟུར་བློ་བཟང་བསྟན་འཛིན་མཆོག་གིས་མནྜལ་ལྗགས་བཤད་སྐབས་སྐུ་ཚབ་སྐལ་བཟང་རྒྱལ་མཚན་དང་། སྤྱི་འཐུས་སྐལ་བཟང་རྒྱལ་མཚན་རྣམ་གཉིས་ཀྱིས་གཡས་གཡོན་ཚོམ་འདེགས་འབུལ་ཞུས་ཡོད་པ་རེད།
དེ་རྗེས་༧གོང་ས་མཆོག་གིས་བཀའ་སློབ་གནང་དོན།
མཎ་ཌལ་ལྗགས་བཤད་ནམ་རྒྱུན་ངག་ཐོག་ནས་སྐྱོར་གྱི་ཡོད་པ་དེར་དགོས་པ་ཆེན་པོ་ཞིག་མི་འདུག
མི་མང་པོ་ཞིག་གིས་གོ་ཐུབ་ཀྱི་ཡོད་མ་རེད། དེར་བརྟེན།
ད་རེས་ཡིག་ཐོག་ནས་བྱུང་ན་ཡག་པོ་འདུག་ཅེས་ཁ་སང་ནས་སྐད་ཆ་བྱུང་པ་བཞིན།
དེ་རིང་ཡིག་ཐོག་ལ་བཀོད་ནས་མི་ཚང་མས་ཕྱག་ལ་བསྣམས་འདུག
དེ་ལ་བྱིན་རླབས་ཡོད་རེད་ཡག་པོ་ཞེ་དྲག་བྱུང་།
དེ་ནས་རིང་པོ་ཡང་འདུག་ཞིབ་ཚགས་པོ་དང་ཆ་ཚང་བའི་བཟོ་འདྲ་བོ་ཡག་པོ་ཞེ་དྲག་འདུག
དེ་ནས་ཁྱེད་རང་ཚོས་སྔར་རྒྱལ་དབང་སྐུ་ཕྲེང་མང་པོའི་སྐབས་ནས་ཐུན་མོང་མ་ཡིན་པའི་འབྲེལ་བ་ཡོད་པ་ཞིག་འདིར་བཀོད་འདུག ད་ངའི་མི་ཚེ་འདི་ལ་ཆ་བཞག་པ་ཡིན་ན།
ཁྱིམ་སྤངས་ཡིད་འོང་ཆོས་འབྱོར་གྱི་གནས། བསྟན་པ་འཛིན་མཁན་གྱི་མཁས་པའི་དབང་པོ་མང་པོ་ཞིག་བྱུང་ཡོད་པ་རེད། དེའི་ནང་ནས་བགྲེས་པའི་གྲས་གཅིག་རྒན་པདྨ་རྒྱལ་མཚན་རེད།
གཞུང་རམ་འབྱམས་ལ་མཁས་པ་ཧ་ལས་པ་རེད་འདུག
དེ་བཞིན་རྒན་ཉི་མ་རྒྱལ་མཚན་མདུན་ནས་ངས་གསུང་ཆོས་ཞུས་ཡོད་པ་རེད་ལ་མཁས་པ་ཧ་ལས་པ་རེད།
ད་ཁོ་རང་གཉིས་ཀྱི་ཡང་སྲིད་གཉིས་འདིར་ཡོད་རེད།
ཡང་སྲིད་གཉིས་ཀྱིས་སྐུ་གོང་མའི་མཛད་པའི་རྗེས་སུ་བསླབས་ནས་ཡག་པོ་ཞིག་གནང་པར་དགོངས་པ་བཞེས་དགོས་རེད།
རྒན་པདྨ་རྒྱལ་མཚན་གྱི་སྐུ་མདུན་ནས་གསུང་ཆོས་ཞུ་རྒྱུ་བྱུང་ཡོད་པ་མ་རེད།
ཡིན་ན་ཡང་ལབ་ལབ་ཀྱི་བཟོ་འདྲ་བོ་འཁྱུག་ཙམ་འཁྱུག་ཙམ་བྱུང་དུས་བཀའ་འདྲི་ཞུ་རྒྱུ་བྱུང་།
ཐེངས་གཅིག་མཁྱེན་གསུམ་གྱི་རྣམ་པ་བརྒྱ་བདུན་ཅུ་རྩ་གསུམ་སྦྱོར་བའི་ནང་ལ་ཕར་ཚུར་སྒྲིག་སྟངས་ཤིག་གིས་གཞན་དང་མི་འདྲ་བ་ཞིག་གསུངས་སོང་།
ད་དེ་ཡིག་ཐོག་ལ་གཅིག་ཡོད་ན་བསམ་པ་འདྲ་བོ་རེད།
རྗེས་སུ་ཡང་ཁ་ཤས་ལ་བཀའ་དྲི་ཞུས་པ་ཡིན། དེ་འདྲ་གསུངས་ཐུབ་མཁན་ཕལ་ཆེར་མི་འདུག
རྗེས་སུ་གྲྭ་ཚང་གི་མཁན་པོ་བྱས་སྐབས་ཧུར་ཐག་རེད།
དེ་ནས་རྒྱུད་པའི་མཁན་པོ་བསམ་གཏན་རྒྱ་བོས་བྱེད་སྐབས་ཀྱང་ཧུར་ཐག་བྱས་སོང་།
ཞེ་དྲག་ཡག་པོ་རེད། ཁོ་རང་གིས་དོལ་རྒྱལ་བསྟེན་གྱི་ཡོད་པ་རེད།
དེ་དུས་ངས་ཀྱང་དམ་དྲག་བྱེད་རྒྱུ་རེད་མ་གཏོགས། ཁོ་རང་ད་ལྟ་ཡོད་པ་ཡིན་ན། ངས་ག་རེ་ལབ་པ་དེར་བརྒྱ་ཆ་བརྒྱ་ཐམ་པ་ཡིད་ཆེས་བློས་ཁེལ་བྱས་ནས་འགྲོ་ཡི་རེད་མ་གཏོགས།
གཞན་སྤྱོད་པ་ལོག་མཁན་རྩ་བ་ནས་བྱེད་ཀྱི་མ་རེད་དེ་ངས་ཤེས་ཀྱི་ཡོད།
དེ་ནི་རྒན་ཉི་མ་དང་རྒན་པདྨ་རྒྱལ་མཚན་དང་འབྲེལ་བ་རྩ་བ་ནས་ཡོད་མ་རེད།
རྒན་པདྨ་རྒྱལ་མཚན་ལ་ཆ་བཞག་ན་སྦག་ས་ལ་བཞུགས་པའི་སྐབས་དེར། དོལ་རྒྱལ་ངས་ཀྱང་བསྟེན་གྱི་ཡོད་རེད་ཟེར།
ད་གླིང་རིན་པོ་ཆེས་འཐད་པ་གནང་གི་ཡོད་མ་རེད།
སྐྱབས་རྗེ་ཁྲི་བྱང་རིན་པོ་ཆེས་གནང་གི་ཡོད་རེད།
དེ་ནས་ངས་བསྟེན་པའི་སྐབས་དེ་ད་ཡིན་ན་ཡང་།
རྒན་པདྨ་རྒྱལ་མཚན་གྱིས་སོ་སོའི་ལུགས་བཟུང་ནས་བློ་བརྟན་ཐག་ཆོད་བཞུགས་ཀྱི་རེད།
ཕྱིས་སུ་བསམ་བློ་གཏོང་དུས་རྒན་མཛད་རྗེས་ཆེན་པོ་རེད་འདུག སྐབས་དེར་ངས་ཀྱང་བསྟེན་གྱི་ཡོད་རེད།
ཚང་མས་འུར་བརྒྱབ་ནས་བྱས་བསྡད་ཡོད་རེད་ད།
རྒན་པདྨ་རྒྱལ་མཚན་གྱིས་སོ་སོའི་རང་ལུགས་བཟུང་ནས་གང་ལྟར་བརྟན་པོ་བྱས་པ་རེད།
ཞེ་དྲག་ཡག་པོ་རེད་མཛད་རྗེས་ཆེན་པོ་རེད། དུས་ཚོད་དེར་ཆོས་ཕྱོགས་ནས་མཛད་རྗེས་ཆེན་པོ་འཇོག་མཁན་ཁོ་རང་ཚོར་ང་ཚོས་རྗེས་དྲན་ཞུ་དགོས་ཀྱི་ཡོད་རེད་ཅེས་བཀའ་སློབ་གནང་སོང་།
༧གོང་ས་མཆོག་གིས་མུ་མཐུད་ཆབ་སྲིད་ཀྱི་འབྲེལ་བའི་སྐོར་གསུང་དོན། ཆབ་སྲིད་ཀྱི་ཐོག་ནས་བཤད་པ་ཡིན་ན། ང་༡༩༥༤
ལོར་རྒྱ་ནག་ལ་ཕྱིན་པའི་སྐབས་དེ་ནས་བཟུང་། ཕུན་ཚོགས་དབང་རྒྱལ་དེ་སྔ་ནས་ཤེས་ཀྱི་ཡོད་རེད།
ལྷ་ས་ནས་དོགས་པ་འདྲ་བྱས་ཏེ་ཕུད་པ་རེད། ༡༩༤༨ ལོ་ཡིན་པ་ཡོད།
དེ་རྗེས་ཕུན་ཚོགས་དབང་རྒྱལ་བཅིངས་གྲོལ་དམག་མི་ཀྲང་གོ་ཧྭ་མཉམ་དུ་སླེབས་སོང་།
ངས་གསལ་པོ་ཞེ་དྲག་དྲན་གྱི་ཡོད། ངས་ནོར་བུ་གླིང་གར་འབྱོར་ཕྱག་གི་བཟོ་འདྲ་བོ་ཞུ་དུས།
ཕུན་ཚོགས་དབང་རྒྱལ་གྱིས་བོད་ཆས་ཤིག་གྱོན། ཞྭ་མོ་ཞིག་གྱོན་འདུག
ངའི་མདུན་དུ་སླེབས་པ་དང་ཞྭ་མོ་དེ་ཕུད་ནས་ཕྱག་གསུམ་འཚལ་སོང་།
ཁོང་གུང་ཁྲན་ཏང་ཡན་པ་གཙང་མ་རེད། དེ་དུས་ཆོས་ལ་ཞེ་དྲག་དོ་སྣང་ཡོད་མ་རེད།
སོ་སོའི་མི་རིགས་ཀྱི་ལྟ་བ་དེ་ཞེ་དྲག་ཤུགས་ཆེན་པོ་རེད་འདུག
དེ་ནས་ཐེངས་གཅིག་ངེད་གཉིས་པེ་ཅིང་ལ་ཡོད་པའི་སྐབས་དེར། ཉིན་ཞིག་གནས་ཚུལ་དང་ལོ་རྒྱུས་དེ་འདྲ་བཤད་དུས།
ཕུན་ཚོགས་དབང་རྒྱལ་གྱིས་སྔོན་མ་སྔོན་མ་ང་ཁྱེད་རང་མཇལ་སར་བཅར་བ་ཡིན།
དེ་དུས་ཁྱེད་རང་བཞུགས་ཁྲིའི་སྒང་ལ་ཆུང་ཆུང་ཞིག་འདུག ད་ད་ལྟ་འདི་འདྲ་ཞིག་འདུག་ཟེར།
ད་ལྟ་འདི་འདྲ་རེད་ཟེར། དེ་དུས་ང་ལོ་ཉི་ཤུ་རྩ་གཅིག་རྩ་གཉིས་ཤིག་ཡིན་འགྲོ།
དེའི་སྐབས་ཕུན་ཚོགས་དབང་རྒྱལ་ངུས་སོང་། ཆོས་ལ་དད་པ་དམིགས་བསལ་གྱི་མ་རེད་མོད།
མི་རིགས་ཀྱི་ཞེན་ཁོག་དེ་ཞེ་དྲག་རེད་འདུག དེ་ནས་མི་རྣམ་དཔྱོད་ཆེན་པོ་ཞེ་དྲག་རེད།
བོད་མི་རིགས་ལ་ཞེན་ཁོག་གི་ཐོག་ནས་རྒྱལ་བ་རིན་པོ་ཆེ་དགའ་ཞེན་ཡོད་པ་རེད།
བསམ་བློ་ཞེ་དྲག་ཆེན་པོ་རེད་འདུག རྗེས་སུ་ངེད་གཉིས་དངོས་གནས་རྒྱ་མིའི་བཤད་སྟངས་བྱས་ན་བློ་མཐུན་རང་ཆགས་པ་རེད།
དེ་ནས་ཕུན་ཚོགས་དབང་རྒྱལ་ས་ནས་ངས་མར་ཁུ་སིའི་ལྟ་བ་ཞེ་དྲག་སྦྱང་ཡིན།
ཁོ་རང་ལ་ཡིད་ཆེས་གཙང་མ་ཡོད་རེད་ལ་ང་ལ་ཡང་ཡིད་ཆེས་སླེབས་ནས།
པེ་ཅིང་ལ་ཡོད་པའི་སྐབས་དེར། ང་གུང་ཁྲན་ཏང་ནང་ལ་འཛུལ་གྱི་ཡིན་ལབ་པ་ཡིན། bapa2_2012_3_7སྐབས་དེར་ཕལ་ཆེར་རྒྱ་ནག་གི་དཔོན་པོ་ལི་ཌིན་ཡིན་ས་ཡོད།
སྔོན་ལ་བྲེལ་ལ་ཡོད་མ་རེད་ཟེར་ནས་དེ་འདྲ་བཞག་པ་རེད།
མི་རིགས་ཀྱི་ཞེན་ཁོག་ཧ་ལས་པ་རེད།
དེ་ནས་དམར་པོའི་རིངས་ལུགས་ཀྱི་ལྟ་གྲུབ་ལ་ཆ་བཞག་ན་ཞེ་དྲག་ཤེས་ཀྱི་ཡོད་རེད།
སོ་སོ་རང་ཉིད་ཀྱིས་ཡིད་ཆེས་བྱས་ལག་ལེན་བྱས་ནས་ལྟ་གྲུབ་བཟུང་པ་ཞིག་རེད།
ཞེ་དྲག་ཡག་པོ་རེད་འདུག
རྗེས་སུ་ཕུན་ཚོགས་དབང་རྒྱལ་ངེད་གཉིས་ལ་ཁ་པར་གྱི་འབྲེལ་བ་བྱུང་ནས།
ཐེངས་གཅིག་ངས་ཁ་པར་ཞིག་བཏང་ནས་སྤྱི་ཚོགས་རིང་ལུགས་ག་རེ་བྱས་སོང་ལབ་པ་ཡིན།
ཧ་ཧ་ཧ་ཟེར་གྱི་འདུག ཞེ་དྲག་ཡག་པོ་ཡིན། ཕུན་ཚོགས་དབང་རྒྱལ་ཁོ་རང་ཙམ་དུ་མ་ཟད།
ཁོ་རང་གི་སྤུན་མཆེད་ཐུབ་དབང་ཞེ་དྲག་ཡག་པོ་རེད།
གུང་ཁྲན་ཏང་ཡང་རེད་ལ་མི་བསམ་བློ་ཞེ་དྲག་ཡོད་མཁན་ཞིག་རེད།
ངས་ཐུབ་དབང་ས་ནས་རྒྱ་ཡིག་སྦྱངས་པ་ཡིན། ཡང་མི་རིགས་ཀྱི་ཞེན་ཁོག་ཧ་ལས་པ་རེད།
ཕུན་ཚོགས་དབང་རྒྱལ་ཡང་ང་དང་ཐུན་མོང་མ་ཡིན་པའི་འབྲེལ་ཡོད་པ་ཞིག་ཆགས་བསྡད་ཡོད་རེད། སྐབས་དེར་འབའ་པ་མང་པོ་ཡོད་རེད།
ཡིན་ན་མིང་རེ་རེ་ནས་དྲན་གྱི་ཡང་མི་འདུག་ལ་བཤད་དགོས་དོན་ཡང་མི་འདུག
དེའི་ཕྱིས་སུ་འབའ་པ་བཀྲ་ཤིས་ཚེ་རིང་རེད་དམ།
དེ་དང་ཡང་གླེང་རྡོ་རྗེ་ཁོང་ཚོའི་གྲས་བོད་མི་རིགས་ཀྱི་ལྟ་བ་ཁུར་ནས་ཧ་ལས་པ་རེད།
ཉེ་ཆར་ཀྲོ་ཙི་ཡང་རྒྱ་ནག་དབུས་གཞུང་གི་འགོ་ཁྲིད་ལ་མ་སླེབས་གོང་དེར།
ཡང་གླེང་རྡོ་རྗེས་བྲིས་བཞག་པའི་བསམ་འཆར་དེབ་ཅིག་ཉེ་ཆར་ཧུང་ཀོང་ནས་བཏོན་འདུག།
དེ་དུས་ཡང་གླེང་རྡོ་རྗེས་བསམ་ཆ་བཤད་བཞག་པ་དེ་ནང་བཞིན་ཞིག
རྒྱ་ནག་དབུས་གཞུང་ནས་ལག་ལེན་ལ་བཀོལ་ཡོད་ན།
བོད་ནང་གི་ཟ་ངེ་ཟིང་ངེ་དེ་རྩ་བ་ནས་ཡོད་པ་མ་རེད། གནས་ཚུལ་ཡག་པོ་ཞིག་ཡོང་ཐུབ་པའི་རེ་བ་ཡོད་རེད།
ཡིན་ན་ཡང་སྐབས་དེར་རྒྱ་མིའི་དཔོན་པོ་ཞིག་གིས་མཁྲེགས་པོ་བྱེད་དགོས་པའི་སྐད་ཆ་བཤད་དེ་སྲིད་ཇུས་དེའི་སྒང་ལ་ཕྱིན་པའི་རྐྱེན་གྱིས། དེང་སང་ཡིན་ན་ཡང་འབ་སུ་མ་འདུས་པའི་གནས་ཚུལ་ཆགས་བསྡད་ཡོད་རེད།
རྒྱ་ནག་ངོ་ཚ་དགོས་པ། བོད་ལ་ཆ་བཞག་ན་དཀའ་ངལ་ལོ་ནས་ལོ་མཐུད་དེ་ཡོང་བ་ཆགས་ཡོད་རེད།
དེར་བརྟེན། ཁོང་ཚོ་ཧ་ལས་པ་རེད། ཡང་གླེང་རྡོ་རྗེ་དང་ཁོང་ཚོ་ལ་སེམས་ཤུགས་ཡོད་པ།
རྣམ་དཔྱོད་ཡོད་པ་བསམ་བློ་རྒྱ་ཆེན་པོ། སོང་ཙང་འབའ་པ་ཡུལ་ལུང་ཆུང་ཆུང་ཞིག་ཡིན་ས་རེད།
ཡིན་ན་ཡང་དེའི་ནང་ནས་ཆོས་དང་བོད་ཀྱི་འཐབ་རྩོད་གཉིས་ཀ་ལ་བྱས་རྗེས་ཡོད་པའི་མི་ང་རང་སྒེར་གྱི་ངོས་ཤེས་པ་མང་པོ་ཞིག་ཡོད་རེད།
ཞེ་དྲག་ཡག་པོ་རེད།
ད་ལྟ་ཁྱེད་རང་ཚོ་སྡེ་གྲོང་ཆུང་ཆུང་དེའི་ནང་གི་སེར་སྐྱ་གཞིས་བཞུགས་ཐུན་མོང་གི་ཐོག་ནས་བརྟན་བཞུགས་ཕུལ་བ་རེད།
ཐུགས་རྗེ་ཆེ་ཞུ་༁ི་ཡིན། དེ་ནས་ཁྱེད་རང་ཚོས་སྨོན་ལམ་ཡག་པོ་རྒྱོབས།
ད་ལྟའི་བར་དུ་བྱས་རྗེས་ཆེན་པོ་བཞག་ཡོད་རེད་ལ།
འབྱུང་འགྱུར་ཡང་ཁྱེད་རང་ཚོ་གཞོན་པ་དེ་ཚོས་ཕྱོགས་ཡོངས་ནས་ཞབས་འདེགས་བསྒྲུབ་ཐུབ་པའི་སྙིང་སྟོབས་བསྐྱེད་དགོས་རེད།
དེ་ནས་སྙིང་སྟོབས་གཅིག་པུས་འདང་གི་མ་རེད། རྣམ་དཔྱོད་དགོས་རེད། ཤེས་ཡོན་དགོས་རེད།
དེ་འདྲ་ཡིན་དུས་སློབ་སྦྱོང་གི་ཐོག་ལ་ཤུགས་རྒྱག་དགོས་རེད། ཤེ་རབ་རྣམ་དཔྱོད་ཀྱི་རྩལ་དང་།
ལྷག་བསམ་སྙིང་སྟོབས་ཟུང་དུ་སྦྲེལ་ནས་དགོས་པ་གལ་ཆེན་པོ་རེད་ཅེས་བཀའ་སློབ་གནང་ཡོད་པ་རེད།།
༧གོང་ས་མཆོག་ལྷ་རུ་བཏགས་པའི་དགེ་སྐྱོན་གླེང་བ།
༡ ༧གོང་ས་མཆོག་ལྷ་རུ་བཏགས་པའི་བསམ་བློའི་ཐོག་མའི་རྐྱེན་རྩ།
༢ ༧གོང་ས་མཆོག་ལྷ་རུ་བཏགས་པའི་དགེ་མཚན་གླེང་བ།
༣ ༧གོང་ས་མཆོག་ལྷ་རུ་བཏགས་པའི་སྐྱོན་ཆ་གླེང་བ།
༤ ༧གོང་ས་མཆོག་ལྷ་རུ་བཏགས་པ་ལས་འཕྲོས་པའི་རང་གི་བསམ་ཚུལ་གླེང་བ།
འཁོར་བ་གཏིང་མཐའ་རིང་པོའི་ངོ་ངོས་ན།།
རྣལ་མའི་ངེས་འབྱུང་སེམས་ཀྱི་མོས་ངོས་ནས།།
རྣམ་དག་འོད་ཀྱི་ས་ཆེན་རྙེད་པ་ཡི།།
དག་པ་རང་བྱུང་སྐུ་ཡི་རང་གཟུགས་ཁྱོད།།
ཚང་ཚིང་རྒྱ་ནགས་སྟུག་པོའི་ཀློང་དཀྱིལ་ན།།
རྣམ་དག་ཆོས་ཚུལ་སྙིང་ཁའི་ངོས་བསྣམས་ནས།།
ཅི་མཛད་བསྟན་པའི་དོན་དུ་བཏང་པ་ཡི།།
བསྟན་འཛིན་བསྟན་འཛིནཟེར་བའི་རྙེད་དོན་ཁྱོད།།
ཆོས་ཀྱི་མིང་དོན་རྙེད་པའི་ཞོགས་པ་ནས།།
འདི་སྣང་ཆུ་ལ་བསྐུར་བའི་བྲེལ་ཟིང་ཁྲོད།།
རང་ངོ་རླུང་གིས་གཏོར་བའི་དྲག་ཆར་ལ།།
བཀག་འགོག་ཟློས་གར་བོར་བའི་འཇོན་མེད་ཁྱོད།།
བླ་མ་བླ་མ་ཟེར་བའི་ཁྲོམ་ར་ན།།
ཟློས་གར་འདྲ་མིན་འཁྲབ་པའི་བྲེལ་ཟིང་ནས།།
རང་ཉིད་ཟུར་དུ་ཕྱུང་པའི་ཁེར་རྐྱང་པ།།
ཁུ་སིམ་རང་ཉིད་འཇོམས་པའི་ཐོ་བ་ཁྱོད།།
དམར་སེར་མཁས་པའི་སྟོང་གི་མདུན་ས་ན།།
མི་འཇིགས་སྤོབས་པས་ཁྲི་ཁར་བཏེགས་ན་ཡང་།།
རང་སེམས་སྤྲང་གྲལ་ལྷུང་པའི་ཆད་ལྟ་བ།།
མགོ་བོ་སྙེ་མ་དུད་པའི་ཞིང་ཁ་ཁྱོད།།
དག་པ་རང་བྱུང་སེམས་ཀྱི་མོས་ངོ་ནས།།
ཡོད་ཚད་ཞིང་ལ་བཀོད་པའི་རྐྱེན་དག་གིས།།
རང་ཉིད་ཚོགས་ཞིང་བོར་པའི་ངལ་གདུང་ཞིག།།
ལྟག་སྤྲོད་གོ་བབ་ཞིག་གི་ཕྲག་སྟེང་ལྷུང་།།
ཆོས་ཚུལ་རྨ་འབྲི་དལ་བབ་ཀློང་དཀྱིལ་ནས།།
ཕ་ཆོས་གུང་ལ་བཏེགས་པའི་འོད་སྣང་གིས།།
མི་བཟོད་གཡང་རྒྱུག་འབྱུང་བྱ་ཁྱུ་གཅིག་གིས།།
གཏིང་ཟབ་ཁྲོན་པའི་སྦུབས་ན་བསྔོག་ནས་ཡོང་།།
དག་པ་རང་གཟུགས་སྒྲིབ་པ་མི་མངའ་ཡང་།།
འདི་སྣང་སྲིད་པའི་ལྟད་མོ་སྟོན་སྟངས་ལས།།
དཀར་དམར་ཁྲ་ཡི་སྣང་ཚུལ་མངོན་པ་དེ།།
འཁོར་འདས་གླེང་གཞི་སྦྲེལ་བའི་གཞི་མཐུན་ཡིན།།
